മസ്കറ്റ്: ഒമാനിലെ നിസ്വയില് റോഡ് മുറിച്ചു കടക്കുന്നതിനിടെ വാഹനമിടിച്ച് രണ്ട് മലയാളികള് അടക്കം മൂന്ന് നഴ്സുമാര്ക്ക് ദാരുണാന്ത്യം. മലയാളികളായ രണ്ടുപേര്ക്ക് പരിക്കേറ്റു. തൃശൂര് സ്വദേശി മജിദ രാജേഷ്, കൊല്ലം സ്വദേശി ഷജീറ ഇല്യാസ്, ഈജിപ്ഷ്യന് സ്വദേശി അമാനി എന്നിവരാണ് മരിച്ചത്.
ഷേര്ലി ജാസ്മിന്, മാളു മാത്യു എന്നിവര്ക്കാണ് പരിക്കേറ്റത്. ഇവര് ജോലി ചെയ്യുന്ന ആശുപത്രിക്ക് സമീപം പ്രാദേശിക സമയം ഇന്നലെ ഉച്ചയ്ക്ക് ഒന്നേകാലിനായിരുന്നു അപകടം. ഡൂട്ടിക്ക് പോകാനായി അഞ്ചുപേരും റോഡ് മുറിച്ചു കടക്കുന്നതിനിടെ അമിത വേഗത്തിലെത്തിയ വാഹനം നിയന്ത്രണം വിട്ട് ഇടിക്കുകയായിരുന്നു.