കൊയിലാണ്ടിയില് പുഴയില് പൊക്കിള്കൊടി മുറിച്ചുമാറ്റാത്ത നവജാത ശിശുവിന്റെ മൃതദേഹം
കോഴിക്കോട് : കൊയിലാണ്ടി കീഴരിയൂര് നെല്ല്യാടി പുഴയില് നവജാത ശിശുവിന്റെ മൃതദേഹം കണ്ടെത്തി. നെല്ല്യാടി പാലത്തിനു സമീപം കളത്തിന് കടവിലാണ് ഒരു ആണ്കുട്ടിയുടെ മൃതദേഹം കണ്ടെത്തിയത്. ഇന്ന് പുലര്ച്ചെ 1.30 ഓടെ മീന് പിടിക്കാന് പോയവരാണ് മൃതദേഹം കണ്ടെത്തിയത്. പൊക്കിള്കൊടി മുറിച്ചു മാറ്റാത്ത നിലയിലായിരുന്നു കുഞ്ഞിന്റെ മൃതദേഹം.
പുഴയില് കമിഴ്ന്ന് കിടക്കുന്ന നിലയിലായിരുന്നു മൃതദേഹം. വിവരം അറിഞ്ഞ് ഫയര് ഫോഴ്സും പൊലീസും സ്ഥലത്തെത്തി. കൊയിലാണ്ടി പൊലീസെത്തി മൃതദേഹം താലൂക്കാശുപത്രിയിലേക്ക് മാറ്റി. പിന്നീട് പുഴയില് നിന്ന് കരക്കെടുത്ത മൃതദേഹം കൊയിലാണ്ടി താലൂക്ക് ആശുപത്രിയിലേക്ക് മാറ്റി. സംഭവത്തില് വിശദമായ അന്വേഷണം നടത്തുമെന്ന് പൊലീസ് അറിയിച്ചു.
പൊലീസ് സ്വമേധയാ കേസെടുത്ത് അന്വേഷണം ആരംഭിച്ചു. കുഞ്ഞിനെ ഉപേക്ഷിച്ചതാണോ എന്നും കൂടെ മറ്റാരെങ്കിലും അപകടത്തില്പ്പെട്ടിട്ടുണ്ടോ എന്നും വ്യക്തമല്ല.
More »
രഞ്ജിത്തിനെതിരായ ലൈംഗിക പീഡനക്കേസില് തുടര്നടപടി കോടതി സ്റ്റേ ചെയ്തു
കോഴിക്കോട് സ്വദേശിയായ യുവാവ് നല്കിയ ലൈംഗിക പീഡനക്കേസില് സംവിധായകന് രഞ്ജിത്തിന് ആശ്വാസം. കേസിലെ തുടര്നടപടി കോടതി സ്റ്റേ ചെയ്തു. കേസ് റദ്ദാക്കണം എന്നാവശ്യപ്പെട്ട് രഞ്ജിത്ത് നല്കിയ ഹര്ജിയിലാണ് ഇടക്കാല ഉത്തരവ്.
പരാതിയില് കേസ് തീര്പ്പാവുന്ന വരെ തുടര്നടപടി പാടില്ലെന്നാണ് കോടതി ഉത്തരവ്. ജസ്റ്റിസ് എം നാഗപ്രസന്നയുടെ ബഞ്ചാണ് കേസില് സ്റ്റേ അനുവദിച്ചത്. അസ്വാഭാവിക ലൈംഗിക പീഡനം, ഐടി ആക്റ്റ് പ്രകാരം സ്വകാര്യത ഹനിക്കല് എന്നീ വകുപ്പുകളാണ് രഞ്ജിത്തിനെതിരെ ചുമത്തിയിരുന്നത്.
2012ല് ബാവുട്ടിയുടെ നാമത്തില് എന്ന സിനിമയുടെ ചിത്രീകരണത്തിനിടെ ബെംഗളൂരുവിലെ പഞ്ചനക്ഷത്ര ഹോട്ടലിലേക്ക് വിളിച്ച് വരുത്തി രഞ്ജിത്ത് അസ്വാഭാവിക ലൈംഗിക പീഡനത്തിന് ഇരയാക്കിയെന്നും, ചിത്രങ്ങള് പകര്ത്തിയെന്നുമാണ് കോഴിക്കോട് സ്വദേശിയായ യുവാവ് നല്കിയ പരാതി.
കോഴിക്കോട് കസബ പൊലീസാണ് ഇതില് ആദ്യം കേസ് രജിസ്റ്റര് ചെയ്തത്. പിന്നീട്
More »
'കുറച്ച് സിനിമയും കാശുമായപ്പോള് അഹങ്കാരം'; നൃത്തം പഠിപ്പിക്കാന് നടി ചോദിച്ചത് 5 ലക്ഷമെന്ന് മന്ത്രി ശിവന്കുട്ടി
പ്രശസ്ത മലയാള സിനിമ നടിക്കെതിരെ വിമര്ശനവുമായി വിദ്യാഭ്യാസ മന്ത്രി വി. ശിവന്കുട്ടി. സംസ്ഥാന സ്കൂള് കലോത്സവത്തിന്റെ അവതരണഗാനത്തിന് കുട്ടികളെ നൃത്തം പഠിപ്പിക്കാന് നടി ലക്ഷങ്ങള് പ്രതിഫലം വേണമെന്ന് ആവശ്യപ്പെട്ടെന്ന് മന്ത്രി ആരോപിച്ചു. സ്കൂള് കലോത്സവം വഴി മികച്ച കലാകാരിയായി ഉന്നതിയിലെത്തുമ്പോള് കേരളത്തോട് ഇവര് അഹങ്കാരം കാണിക്കുകയാണെന്നും മന്ത്രി വിമര്ശിച്ചു.
16,000 കുട്ടികളെ പങ്കെടുപ്പിച്ച് ജനുവരിയില് നടത്തുന്ന സംസ്ഥാന സ്കൂള് കലോത്സവത്തിന്റെ അവതരണ ഗാനത്തിന് വേണ്ടിയാണ് നൃത്തം പഠിപ്പിക്കാന് നടിയോട് ആവശ്യപ്പെട്ടതെന്ന് മന്ത്രി പറഞ്ഞു. യുവജനോത്സവം വഴി വളര്ന്നുവന്ന ഒരു പ്രശസ്ത സിനിമാ നടിയോടാണ് പത്ത് മിനിട്ട് ദൈര്ഘ്യമുള്ള നൃത്തം കുട്ടികളെ പഠിപ്പിക്കാമോ എന്ന് ചോദിച്ചത്. അവര് സമ്മതിക്കുകയും ചെയ്തിരുന്നു. എന്നാല് അഞ്ച് ലക്ഷം രൂപയാണ് അവര് പ്രതിഫലം ചോദിച്ചതെന്നും മന്ത്രി പറഞ്ഞു.
More »
ഒരു വയസുള്ള മകളുടെ മുന്നില് വച്ച് ഭാര്യയെ കഴുത്തറുത്ത് കൊലപ്പെടുത്തി; പ്രതിയ്ക്ക് വധശിക്ഷ
ആലപ്പുഴ മാന്നാറില് ഭാര്യയെ മകളുടെ മുന്നില് വച്ച് കഴുത്തറുത്ത് കൊലപ്പെടുത്തിയ പ്രതിയ്ക്ക് വധശിക്ഷ. മാന്നാര് ആലുംമൂട്ടില് താമരപ്പള്ളി വീട്ടില് ജയന്തിയെ കഴുത്തറുത്ത് കൊലപ്പെടുത്തിയ കേസിലാണ് പ്രതി കുട്ടികൃഷ്ണനെ വധശിക്ഷയ്ക്ക് വിധിച്ചത്. മാവേലിക്കര അഡീഷണല് ജില്ലാ സെഷന്സ് കോടതിയുടേതാണ് ശിക്ഷാവിധി.
2004ല് ആയിരുന്നു കേസിന് ആസ്പദമായ സംഭവം. ഏപ്രില് രണ്ടിന് പകല് 3ന് ആയിരുന്നു ക്രൂര കൃത്യം അരങ്ങേറിയത്. ജയന്തിയെ സംശയമായിരുന്ന കുട്ടികൃഷ്ണന് ഒന്നേകാല് വയസ് മാത്രം പ്രായമുണ്ടായിരുന്ന മകളുടെ മുന്നില് വച്ച് ജയന്തിയെ കഴുത്തറുത്ത് കൊലപ്പെടുത്തുകയായിരുന്നു.
കത്തി, ഉളി, ചുറ്റിക എന്നീ ആയുധങ്ങള് ഉപയോഗിച്ചായിരുന്നു പ്രതി കൃത്യം നടത്തിയത്. സംഭവത്തിന് പിന്നാലെ അടുത്ത ദിവസം കുട്ടികൃഷ്ണന് മാന്നാര് പൊലീസ് സ്റ്റേഷനിലെത്തി ഭാര്യ മരിച്ച വിവരമറിയിച്ചു. തുടര്ന്ന് മാന്നാര് പൊലീസ് നടത്തിയ അന്വേഷണത്തിലാണ് പ്രതിയെ
More »
രണ്ട് വര്ഷത്തെ പ്രണയത്തിനൊടുവില് വിവാഹം, നവവധുവിനെ ഭര്തൃവീട്ടില് മരിച്ച നിലയില് കണ്ടെത്തിയ സംഭവത്തില് ദുരൂഹത
തിരുവനന്തപുരത്ത് നവവധുവിനെ ഭര്തൃവീട്ടില് മരിച്ച നിലയില് കണ്ടെത്തിയ സംഭവത്തില് ദുരൂഹത ആരോപിച്ച് കുടുംബം. ഇന്ദുജയ്ക്ക് ഭര്തൃവീട്ടില് മാനസിക പീഡനം ഏല്ക്കേണ്ടി വന്നിട്ടുണ്ടെന്ന് കുടുംബം പറയുന്നു. ഈ വിവരം ഫോണിലൂടെ മുന്പ് പറഞ്ഞിരുന്നു. ഭര്ത്താവ് അഭിജിത്തും അമ്മയുമാണ് മരണത്തിന് പിന്നിലെന്നും കുടുംബം ആരോപിച്ചു. മരണത്തിലെ ദുരൂഹത അന്വേഷിക്കണമെന്നാവശ്യപ്പെട്ട് ഇന്ദുജയുടെ കുടുംബം പാലോട് പൊലീസില് പരാതി നല്കി.
പാലോട് കൊന്നമൂട് സ്വദേശിയായ ഇന്ദുജയെ കഴിഞ്ഞ ദിവസമാണ് ഭര്തൃവീട്ടില് തൂങ്ങിമരിച്ച നിലയില് കണ്ടെത്തിയത്. ഭര്ത്താവ് അഭിജിത്ത് ഉച്ചയ്ക്ക് വീട്ടില് ഭക്ഷണം കഴിക്കാന് എത്തിയപ്പോള് കിടപ്പുമുറിയിലെ ജനലില് തൂങ്ങിയ നിലയില് ഇന്ദുജയെ കണ്ടെത്തുകയായിരുന്നു. ഈ സമയം വീട്ടില് അഭിജിത്തിന്റെ അമ്മൂമ്മ മാത്രമേ ഉണ്ടായിരുന്നുള്ളൂ. ഉടന് തന്നെ ഇന്ദുജയെ നെടുമങ്ങാട് ജില്ലാ ആശുപത്രിയില് എത്തിച്ചെങ്കിലും
More »
വൈദിക പദവിയില്നിന്ന് നേരിട്ട് കര്ദിനാള് പദവിയില്; മാര് ജോര്ജ് കൂവക്കാട്ട് ചരിത്രത്തില്
ഭാരതസഭയില് വൈദിക പദവിയില്നിന്ന് നേരിട്ട് കര്ദിനാള് പദവിയിലേക്കുയര്ത്തപ്പെട്ട ആദ്യ വ്യക്തിയായി ചരിത്രം കുറിയ്ക്കാന് ആര്ച്ച്ബിഷപ് മാര് ജോര്ജ് കൂവക്കാട്ട്. മാര് ജോര്ജ് കൂവക്കാട്ട് ഉള്പ്പെടെ 21 പേര് ഇന്ന് കര്ദിനാള്മാരാകും. സെന്റ് പീറ്റേഴ്സ് ബസിലിക്കയില് വത്തിക്കാന് സമയം ഇന്ന് വൈകുന്നേരം നാലിനു നടക്കുന്ന തിരുക്കര്മങ്ങള്ക്ക് ഫ്രാന്സിസ് മാര്പാപ്പ മുഖ്യകാര്മികത്വം വഹിക്കും. ഇന്ത്യന് സമയം രാത്രി 8.30നാണ് ചടങ്ങുകള്.
കേരളത്തില്നിന്ന് സീറോമലബാര് സഭയുടെ മേജര് ആര്ച്ച്ബിഷപ് മാര് റാഫേല് തട്ടില്, കര്ദിനാള് മാര് ജോര്ജ് ആലഞ്ചേരി, ആര്ച്ച്ബിഷപ് മാര് തോമസ് തറയില്, ആര്ച്ച്ബിഷപ് മാര് ജോസഫ് പെരുന്തോട്ടം, മാര് തോമസ് പാടിയത്ത്, മാര് സ്റ്റീഫന് ചിറപ്പണത്ത് ഉള്പ്പെടെയുള്ളവര് തിരുക്കര്മങ്ങളില് പങ്കെടുക്കും.
തിരുക്കര്മങ്ങള്ക്കുശേഷം നവ
More »
നവീന് ബാബുവിന്റെ മരണം: അന്വേഷണത്തിന് തയ്യാറാണെന്ന് സിബിഐ; വേണ്ടെന്നു സര്ക്കാര്
കണ്ണൂര് മുന് എഡിഎം നവീന് ബാബുവിന്റെ മരണത്തില് അന്വേഷണത്തിന് തയാറാണെന്ന് സിബിഐ. സിബി ഐ അന്വേഷണം ആവശ്യമുണ്ടോ, ശരിയായ ദിശയിലാണോ അന്വേഷണം പോകുന്നത് എന്നാണ് പരിശോധിക്കുന്നതെന്ന് കോടതി പറഞ്ഞു. അതേസമയം അന്വേഷണം കൈമാറാന് തയ്യാറല്ലെന്ന് സംസ്ഥാന സര്ക്കാര് കോടതിയെ അറിയിച്ചു. ഇത് സംബന്ധിച്ച് വിശദമായ സത്യവാങ്മൂലം നല്കും. സിബിഐ അന്വേഷണം ആവശ്യപ്പെട്ടുള്ള ഹര്ജി ഈ മാസം 12 ലേക്ക് മാറ്റി.
കേസ് ഡയറി ഹാജരാക്കാനും അന്വേഷണ പുരോഗതി അറിയിക്കാനും സംസ്ഥാന സര്ക്കാരിനോട് കോടതി നേരത്തെ ഹര്ജി പരിഗണിക്കവെ ആവശ്യപ്പെട്ടിരുന്നു. ഹര്ജിയില് സര്ക്കാരിനോടും സിബിഐയോടും ഹൈക്കോടതി നിലപാട് തേടിയിരുന്നു. നവീന് ബാബുവിന്റെ മരണത്തില് സിബിഐ അന്വേഷണം ആവശ്യമില്ലെന്ന നിലപാടാണ് സംസ്ഥാന സര്ക്കാരിനുള്ളത്. നവീന് ബാബുവിന്റെ മരണത്തില് അന്വേഷണം ശരിയായ ദിശയിലാണെന്നും അദ്ദേഹത്തിന്റെ കുടുംബത്തിന്റെ എല്ലാ ആശങ്കകളും പരിശോധിക്കുമെന്നും
More »
ദിലീപിന് ശബരിമലയില് വിഐപി ദര്ശനം! രൂക്ഷ വിമര്ശനവുമായി ഹൈക്കോടതി
നടന് ദിലീപിന് ശബരിമലയില് വിഐപി പരിഗണനയില് ദര്ശനം അനുവദിച്ച സംഭവത്തില് വിമര്ശനവുമായി ഹൈക്കോടതി. സംഭവത്തില് കോടതി ദേവസ്വം ബോര്ഡിനോട് വിശദീകരണം തേടി. സിസിടിവി ദൃശ്യങ്ങള് ഹാജരാക്കാനും കോടതി നിര്ദേശിച്ചിട്ടുണ്ട്.
ഇന്നലെയാണ് നടന് ദിലീപ് ശബരിമലയില് ദര്ശനം നടത്തിയത്. നടയടക്കുന്നതിന് തൊട്ട് മുമ്പാണ് ദിലീപ് ദര്ശനം നടത്തിയത്. ഹരിവരാസനം കീര്ത്തനം പൂര്ത്തിയായി നടയടച്ച ശേഷമാണ് ദിലീപ് ശബരിമലയില് നിന്നും മടങ്ങിയത്. കഴിഞ്ഞ വര്ഷങ്ങളിലും നടന് ശബരിമല ദര്ശനം നടത്തിയിരുന്നു.
ദിലീപിന് വിഐപി പരിഗണന ലഭിച്ചോ എന്നാണ് ഹൈക്കോടതി ഇപ്പോള് പരിശോധിക്കുന്നത്. കഴിഞ്ഞ വര്ഷങ്ങളിലും നടന് ശബരിമല ദര്ശനം നടത്തിയിരുന്നു.
നടന് ദിലീപിന് പുറമെ, വി.ഐ.പി. പരിഗണനയോടെ പോലീസ് അകമ്പടിയില് വേറെയും ആളുകള് ശബരിമലയില് എത്തിയിരുന്നുവെന്ന് റിപ്പോര്ട്ട്. ആലപ്പുഴ ജില്ലാ ജഡ്ജി കെ.ക.രാധാകൃഷ്ണന്,
More »
ഭാര്യ സഹോദരിയെ ബലാത്സംഗം ചെയ്ത് കൊലപ്പെടുത്തിയ കേസ്; പ്രതി വീടിനുള്ളില് തൂങ്ങിമരിച്ച നിലയില്
ചേര്ത്തലയില് ഭാര്യാ സഹോദരിയെ ബലാല്സംഗം ചെയ്ത് കൊലപ്പെടുത്തിയ കേസിലെ പ്രതിയെ തൂങ്ങി മരിച്ചനിലയില് കണ്ടെത്തി. ചേര്ത്തല സ്വദേശി രതീഷിനെ (41)ആണ് വീടിനുള്ളില് തൂങ്ങിമരിച്ച നിലയില് കണ്ടെത്തിയത്.
ഭാര്യാ സഹോദരിയെ ബലാല്സംഗം ചെയ്ത് കൊലപ്പെടുത്തിയ വീട്ടില് തന്നെയാണ് രതീഷും തൂങ്ങിമരിച്ചത്. 2021ലാണ് കേസിന്നാസ്പദമായ സംഭവം. ഭാര്യാ സഹോദരിയെ രതീഷ് ബലാല്സംഗം ചെയ്ത് കൊലപ്പെടുത്തുകയായിരുന്നു.
കേസില് മൂന്ന് വര്ഷത്തിന് ശേഷമാണ് വിചാരണ ആരംഭിക്കുന്നത്. ആദ്യഘട്ട വിചാരണ ചൊവ്വാഴ്ച വെച്ചിരുന്നെങ്കിലും രതീഷ് ഹാജരായിരുന്നില്ല. ഇയാളെ തേടി ഇന്നലെ പോലീസ് എത്തിയപ്പോഴാണ് മരിച്ച നിലയില് കണ്ടത്. മൃതദേഹം ആശുപത്രിയിലേക്ക് മാറ്റി. പോസ്റ്റുമോര്ട്ടത്തിന് ശേഷം കുടുംബത്തിന് വിട്ടുനല്കും. രതീഷിന്റെ ഭാര്യ വിദേശത്താണ്.
More »
