കൊല്ലത്ത് പ്രായപൂര്ത്തിയാകാത്ത ആണ്കുട്ടിയെ പല സ്ഥലങ്ങളില് കൊണ്ടുപോയി പീഡിപ്പിച്ച കേസില് 19കാരി അറസ്റ്റില്. കൊല്ലം ചവറ ശങ്കരമംഗലത്ത് കുമ്പളത്ത് വീട്ടില് ശ്രീക്കുട്ടിയെയാണ് വളിക്കുന്നം പൊലീസ് അറസ്റ്റ് ചെയ്തത്. കോടതിയില് ഹാജരാക്കിയ യുവതിയെ റിമാന്ഡ് ചെയ്തു.
ഭരണിക്കാവ് ഇലിപ്പക്കുളത്ത് മാതാപിതാക്കള്ക്കൊപ്പം താമസിക്കുന്ന 16 വയസുകാരനെ ഡിസംബര് ഒന്നിനാണ് യുവതി വീട്ടില് നിന്നും വിളിച്ചുകൊണ്ടുപോയി പീഡിപ്പിച്ചത്. മറ്റൊരാളുമായി പ്രണയത്തിലായിരുന്ന യുവതിയെ വീട്ടുകാര് കാമുകനെ കാണാതിരിക്കാനായി 16കാരന്റെ വീട്ടില് കൊണ്ടുവന്ന് താമസിപ്പിക്കുകയായിരുന്നു.
പിന്നീടാണ് പതിനാറുകാരനെ വീട്ടില് നിന്നും വിളിച്ചുകൊണ്ട് പോയി പെണ്കുട്ടി പീഡിപ്പിക്കുന്നത്. മൈസൂരു, പാലക്കാട്, പഴനി, മലപ്പുറം തുടങ്ങിയ സ്ഥലങ്ങളില് താമസിപ്പിച്ചായിരുന്നു പീഡനം. ഇതുസംബന്ധിച്ച് യുവതി മൊഴി നല്കിയെന്ന് വളികുന്നം പൊലീസ് ഇന്സ്പെക്ടര് ടി ബിനുകുമാര് പറഞ്ഞു. കുട്ടിയുടെ അമ്മ നല്കിയ പരാതിയുടെ അടിസ്ഥാനത്തിലാണ് കേസെടുത്തത്. വ്യാഴാഴ്ച രാവിലെ പത്തനംതിട്ട ബസ്റ്റാന്ഡില് നിന്നാണ് ഇരുവരെയും പിടികൂടിയത്.
