ലണ്ടനില് കറുത്ത വര്ഗക്കാരന് വെടിയേറ്റ് മരിച്ചു; പോലീസ് ജാഗ്രതയില്
ലണ്ടന് : വടക്ക് പടിഞ്ഞാറന് ലണ്ടനില് വെടിയേറ്റ് മരിച്ചത് കറുത്ത വര്ഗക്കാരന്. ഇയാളുടെ പേരും ചിത്രവും പോലീസ് ആദ്യമായി പുറത്തുവിട്ടു. വെള്ളിയാഴ്ച രാത്രി സ്റ്റോണ്ബ്രിഡ്ജിലെ വെസ്റ്റ് എന്ഡ് ക്ലോസില് നടന്ന സംഭവത്തില് സൈമണ് വെയ്റ്റ് എന്ന 55കാരനാണ് വെടിയേറ്റ് മരിച്ചത്.
കൊലയാളിക്കായുള്ള അന്വേഷണം നടക്കുന്നതിനിടയിലാണ് കൊല്ലപ്പെട്ടയാളുടെ വിവരങ്ങള് പുറത്ത് വിട്ടിരിക്കുന്നത്. വിവരമറിഞ്ഞ് രാത്രി ഒന്പതരയോടെ പോലീസും അടിയന്തിര സേവന വിഭാഗവും സംഭവസ്ഥലത്തെത്തി. അവര് കഠിനമായി പ്രയത്നിച്ചെങ്കിലും വെയ്റ്റ് സംഭവസ്ഥലത്ത് വെച്ചുതന്നെ മരണമടയുകയായിരുന്നു.
ഇയാളുടെ അടുത്ത ബന്ധുക്കളെ വിവരമറിയിച്ചിട്ടുണ്ട്. കേസുമായി ബന്ധപ്പെട്ടിതുവരെ ആരെയും അറസ്റ്റ് ചെയ്തിട്ടില്ല. സംഭവത്തില് മറ്റാര്ക്കെങ്കിലും പരിക്കേറ്റതായ റിപ്പോര്ട്ടുകളുമില്ല. ഡാഷ്ക്യാം കാമറകളിലോ മറ്റോ സംഭവവുമായി ബന്ധപ്പെട്ട എന്തെങ്കിലും
More »
ബ്രിട്ടന് മോഷണ പരമ്പരകളുടെ പിടിയില്; അന്വേഷിക്കാന് താല്പര്യമില്ലാതെ പോലീസും, ഷോപ്പ് ജീവനക്കാര് സുരക്ഷാഭീഷണിയില്
യുകെയില് മോഷ്ടാക്കള്ക്കും പിടിച്ചുപറിക്കാര്ക്കും സുരക്ഷിത കാലം. മോഷ്ടാക്കളെ കണ്ടെത്താനോ പിടികൂടാനോ പോലീസ് ഉത്സാഹം കാണിക്കാതെ വരുന്നതോടെ മോഷണ പരമ്പര തുടരുകയാണ്. രാജ്യത്തെ ഷോപ്പ് ജീവനക്കാരാണ് ഏറ്റവും കൂടുതല് സുരക്ഷാ ഭീഷണി നേരിടുന്നത്.
ഷോപ്പ് മോഷണങ്ങള് റെക്കോര്ഡ് തോതില് കേസ് അന്വേഷണം നടത്താതെ അവസാനിപ്പിക്കുന്നതിലാണ് പോലീസിന്റെ ശ്രദ്ധ. ഇത്തരത്തില് ദിനംപ്രതി ദിവസേന 810 കുറ്റകൃത്യങ്ങള് തെളിയിക്കപ്പെടാതെ അവസാനിക്കുന്നുണ്ടെന്നാണ് കണക്ക്. റെക്കോര്ഡ് തോതില് കേസുകള് ഉപേക്ഷിക്കുന്നത് രാജ്യം ഷോപ്പ് ലിഫ്റ്റിംഗ് പിടിയില് അമരുമ്പോഴാണെന്നതാണ് വസ്തുത.
2024-25 വര്ഷം 295,589 ഷോപ്പ് മോഷണ കേസുകളാണ് പ്രതികളെ തിരിച്ചറിയാന് പോലും കഴിയാതെ പോലീസ് അവസാനിപ്പിച്ചത്. മണിക്കൂറില് 34 കുറ്റകൃത്യങ്ങള് ഇതുപോലെ തുമ്പില്ലാതെ നിര്ത്തി. മഹാമാരി മുതല് ഷോപ്പ് മോഷണങ്ങള് ഇരട്ടിയായി വര്ദ്ധിക്കുകയാണ് ചെയ്തത്.
More »
സമരത്തിനിടെ ജോലിക്ക് കയറുന്ന ഡോക്ടര്മാരെ ചതിയന്മാരെന്ന് വിളിച്ച് സമരക്കാര്
തുടര്ച്ചയായി അഞ്ച് ദിവസത്തെ പണിമുടക്ക് നടത്തുകയാണ് റസിഡന്റ് ഡോക്ടര്മാര്. 26% ശമ്പളവര്ധനയാണ് ആവശ്യം. പണിമുടക്ക് നടക്കുമ്പോള് രോഗികള് കടുത്ത ദുരിതത്തെ നേരിടുകയാണ്. രോഗികളോടുള്ള ഉത്തരവാദിത്വം തിരിച്ചറിഞ്ഞ കുറച്ച് ഡോക്ടര്മാര് സമരമുഖത്ത് നിന്നും ആശുപത്രികളില് സേവനം നല്കാനായി എത്തുന്നുണ്ട്. എന്നാല് ഇവര് 'ചതിയന്മാരാണെന്നാണ്' സമരക്കാരുടെ ആരോപണം.
ജോലിസ്ഥലത്ത് സ്ക്രബ് അണിഞ്ഞ് നില്ക്കുന്ന സെല്ഫിയെടുത്ത ഒരു ഡോക്ടറെയാണ് സമരം ചെയ്യുന്ന ഡോക്ടര്മാര് സൈബര് അക്രമണത്തിന് വിധേയമാക്കിയത്. സമരത്തിന് പിന്തുണയുണ്ടെങ്കിലും സേവനം നല്കുന്നുവെന്ന് പറഞ്ഞതാണ് ഈ ഡോക്ടര്ക്ക് എതിരായ വിമര്ശനത്തിന് ഇടയാക്കിയത്. എന്നാല് തന്റെ ഡിപ്പാര്ട്ട്മെന്റില് പകുതിയോളം റസിഡന്റ് ഡോക്ടര്മാരും ഈ വിധത്തില് 'വഞ്ചകരാ'യുണ്ടെന്ന് മറ്റൊരു ഡോക്ടര് കമന്റ് ചെയ്തു.
രോഗികളെ പരിചരിക്കാന് എത്തുന്ന ഡോക്ടര്മാരെ
More »
മലയാളി യുവാവ് അയര്ലന്ഡില് കാര് നദിയില് വീണ് മരിച്ചു
അയര്ലന്ഡിലെ കോര്ക്കില് കാര് നദിയില് വീണ് മലയാളി യുവാവ് മരിച്ചു. കോര്ക്കിലെ യോള്ബാലിനയില് കുടുംബമായി താമസിച്ചിരുന്ന ഇടുക്കി അടിമാലി കമ്പംമെട്ട് സ്വദേശി ജോയ്സ് തോമസ് (34) ആണ് വിടപറഞ്ഞത്. കോര്ക്കിലെ കോന റോഡിന് (R628) സമീപമുള്ള ബ്രൈഡ് നദിയില് വെള്ളിയാഴ്ച രാത്രിയാണ് ജോയ്സ് സഞ്ചരിച്ചിരുന്ന കാര്തെന്നി മറിഞ്ഞത്. മിഡില്ടണിനടുത്തുള്ള ബാലിന്കൂറിങ് കെയര് സെന്ററിലെ കിച്ചന് അസിസ്റ്റന്റായി ജോലി ചെയ്യുകയായിരുന്നു.
രാത്രി എട്ടിന് ഷിഫ്റ്റ് കഴിഞ്ഞു അരമണിക്കൂര് ദൂരത്തിലുള്ള വീട്ടിലേക്ക് മടങ്ങുമ്പോഴാണ് കാര് അപകടത്തില്പ്പെട്ടത്. കനത്ത മഴയും കാറ്റുമുണ്ടായതിനെ തുടര്ന്നാണ് കാര് റോഡില് നിന്നും ഏറെ താഴ്ചയുള്ള നദിയിലേക്ക് തെന്നി വീണത് എന്നാണ് പ്രാഥമിക നിഗമനം. സാധാരണയായി വീട്ടില് എത്തേണ്ട സമയം കഴിഞ്ഞിട്ടും ജോയ്സിനെ കാണാതായതോടെ പരിഭ്രാന്തയായ ഭാര്യ ജോയ്സിന്റെ സുഹൃത്തുക്കളെ സഹായം തേടി വിവരം അറിയിച്ചു.
More »
യുകെയിലെ ആദ്യകാല മലയാളി കുടിയേറ്റക്കാരനായ ബിജു മാത്യു ന്യൂകാസിലില് അന്തരിച്ചു
യുകെയിലെ മലയാളി സമൂഹത്തിനു ഞെട്ടലായി തുടരെ മരണവാര്ത്തകള്. ക്രിസ്മസിന് ഒരുങ്ങുന്ന മലയാളികള്ക്ക് വലിയ ആഘാതമാണ് അപ്രതീക്ഷിതമായുള്ള വിയോഗങ്ങള്. ആദ്യകാല മലയാളി കുടിയേറ്റക്കാരനായ ബിജു മാത്യു ന്യൂകാസിലില് കഴിഞ്ഞ ദിവസം അന്തരിച്ചതാണ് ഏറ്റവും ഒടുവിലത്തേത്.
കണ്ണൂര് ജില്ലയില് ആലക്കോടിന് സമീപം തേര്ത്തല്ലി സ്വദേശിയും കടിയന്കുന്നേല് കുടുംബാംഗവുമായ അദ്ദേഹം ന്യൂകാസിലില് ആയിരുന്നു കുടുംബത്തോടൊപ്പം താമസിച്ചിരുന്നത്. കുറേ വര്ഷങ്ങളായി അസുഖബാധിതനായി ചികിത്സയിലായിരുന്ന അദ്ദേഹം ആരോഗ്യനില ക്രമേണ വഷളായതിനെ തുടര്ന്നാണ് ഇന്ന് വിടവാങ്ങിയത്.
ഭാര്യ എല്സമ്മ ബിജു കോട്ടയം മുട്ടുചിറ സ്വദേശിനിയാണ്. കെവിന് ബിജുവുമാണ് ഏകമകന്. ഔര് ലേഡി ക്വീന് ഓഫ് റോസറി മിഷന്, ന്യൂകാസില് ഇടവകാംഗമായിരുന്ന ബിജു മാത്യു ദേവാലയ പ്രവര്ത്തനങ്ങളിലും ആത്മീയ കാര്യങ്ങളിലും സജീവ സാന്നിധ്യമായിരുന്നു.
യുകെയിലെത്തിയ
More »
ക്രിസ്മസ് പാര്ട്ടിക്കിടെ സ്റ്റോക്ക് ഓണ് ട്രെന്റ് മലയാളി കുഴഞ്ഞു വീണു മരിച്ചു
നഴ്സിംഗ് ഹോം സ്റ്റാഫുകളുടെ ക്രിസ്മസ് പാര്ട്ടിക്കിടെ സ്റ്റോക്ക് ഓണ് ട്രെന്റ് മലയാളി കുഴഞ്ഞു വീണു മരിച്ചു.
സ്റ്റോക്ക് ഓണ് ട്രെന്റിലെ ലോംഗ്ടണില് താമസിക്കുന്ന നാല് മക്കളുടെ പിതാവായ റിജോ പോള് (45) ആണ് അപ്രതീക്ഷിതമായി മരണത്തിനു കീഴടങ്ങിയത്. നഴ്സിംഗ് ഹോം സ്റ്റാഫുകളുടെ ക്രിസ്മസ് പാര്ട്ടിയ്ക്കിടെയായിരുന്നു സംഭവം. ഇന്നലെ രാത്രി ഒമ്പതരയോടെയാണ് റിജോ കുഴഞ്ഞു വീണതും മരണം സംഭവിക്കുന്നതും.
റിജോ വര്ക്ക് ചെയ്യുന്ന നഴ്സിംഗ് ഹോമില് ജോലി ചെയ്യുന്നവര്ക്കായി ഒരുക്കിയിരുന്ന ക്രിസ്മസ് പാര്ട്ടിയില് പങ്കെടുക്കവെ ആണ് റിജോ കുഴഞ്ഞുവീണത്. അരമണിക്കൂറോളം CPR കൊടുത്തു ജീവന് രക്ഷിക്കാന് ശ്രമിച്ചെങ്കിലും പരാജയം സംഭവിക്കുകയായിരുന്നു. പാരാമെഡിക്കല് ടീമും സ്ഥലത്തെത്തിയിരുന്നു.
ഭാര്യയ്ക്കും നാലു മക്കള്ക്കും ഒപ്പമായിരുന്നു ലോംഗ്ടണില് താമസിച്ചിരുന്നത്. ഭാര്യ റാണി, റോസ്മിന്, റോസ്മോള്, റോസ് മേരി,
More »
ചാന്സലറുടെ 30 ബില്ല്യണ് പൗണ്ടിന്റെ ബജറ്റ് വേട്ട ഡിസംബര് ഷോപ്പിംഗിനെ പ്രതികൂലമായി ബാധിച്ചു
ചാന്സലര് റേച്ചല് റീവ്സിന്റെ ബജറ്റ് ഇഫക്ട് മൂലം ആളുകളുടെ ഡിസംബര് ഷോപ്പിംഗ് പ്രതിസന്ധിയില്. ബജറ്റിന്റെ പ്രത്യാഘാതമെന്നോണം ഇപ്പോള് ജനങ്ങള് ഷോപ്പിംഗ് കുറയ്ക്കുന്നുവെന്ന പരാതിയാണ് റീട്ടെയിലര്മാര് പങ്കുവെയ്ക്കുന്നത്. ചാന്സലറുടെ 30 ബില്ല്യണ് പൗണ്ടിന്റെ നികുതിവേട്ട കസ്റ്റമേഴ്സിന്റെ പഴ്സ് പൂട്ടിക്കെട്ടുകയാണ് ചെയ്തിരിക്കുന്നത്. നവംബറിലെ ബ്ലാക്ക് ഫ്രൈഡേ സെയില്സ് ജനങ്ങള് കൈവിട്ടത് കനത്ത തിരിച്ചടിയായി മാറിയിരുന്നു.
ഇത് ഡിസംബറിലും ആവര്ത്തിക്കുമെന്നാണ് ഷോപ്പുകള് ഭയക്കുന്നത്. എന്നുമാത്രമല്ല പുതുവര്ഷത്തിലും സ്ഥിതി മെച്ചപ്പെടാന് സാധ്യതയില്ലെന്നും ആശങ്കയില് പറയുന്നു. ക്രിസ്മസിലേക്കുള്ള ഒരുക്കത്തിലാണ് ഷോപ്പുകള്ക്ക് ആശ്വാസമേകുന്ന ആവേശം പ്രകടമാകാറുള്ളത്.
ലേബര് നയങ്ങള് മൂലം ബിസിനസ്സ് നിരക്കുകള് ഉയര്ന്നതും, എംപ്ലോയര് നാഷണല് ഇന്ഷുറന്സിലെ വേട്ടയും, മിനിമം വേജ്
More »
ബ്രൈറ്റണ് ബിഷപ്പ് റിച്ചാര്ഡ് മോത്ത് യുകെയിലെ കത്തോലിക്കാ സഭയുടെ പുതിയ തലവന്
ലണ്ടന് : ഇംഗ്ലണ്ടിലെയും വെയ്ല്സിലെയും കത്തോലിക്ക സഭയ്ക്ക് പുതിയ തലവനായി ബിഷപ്പ് റിച്ചാര്ഡ് മോത്ത്. പന്ത്രണ്ടാമത് വെസ്റ്റ്മിനിസ്റ്റര് ആര്ച്ച്ബിഷപ്പ് ആയി നിശ്ചയിച്ചതായി സഭ സ്ഥിരീകരിച്ചു. 16 വര്ഷങ്ങള്ക്ക് മുന്പ് ആര്ച്ച്ബിഷപ്പ് സ്ഥാനം ഏറ്റെടുക്കുകയും അടുത്തകാലത്ത് ചില ലൈംഗികാരോപണങ്ങളുമായി ബന്ധപ്പെട്ട് വിവാദത്തിലാവുകയും ചെയ്ത കര്ദിനാള് വിന്സന്റ് നിക്കോള്സിന്റെ പിന്ഗാമിയായാണ് ബിഷപ്പ് റിച്ചാര്ഡ് മോത്തിന്റെ നിയമനം. കര്ദിനാള് വിന്സന്റ് നിക്കോള്സ് സേവനത്തില് നിന്നും പൂര്ണ്ണമായും വിരമിക്കുകയാണ്.
2015 മുതല് അരുണ്ഡേല് ആന്ഡ് ബ്രൈറ്റണ് ബിഷപ്പായി സേവനമനുഷ്ഠിക്കുകയാണ് ബിഷപ്പ് മോത്ത്. ലണ്ടനിലെ വെസ്റ്റ്മിനിസ്റ്റര് കത്തീഡ്രലില് വെച്ച് ഫെബ്രുവരി 14ന് ആയിരിക്കും അദ്ദേഹത്തെ ആര്ച്ച്ബിഷപ്പ് ആയി അവരോധിക്കുക. മാര്പ്പാപ്പ ലിയോ പതിനാലാമന് തന്നില് അര്പ്പിച്ച വിശ്വാസത്തിന്
More »
പുതിയ ഫ്ലൂ ഡാറ്റ പുറത്തുവിട്ടു, ആശുപത്രികള് 'ഹൈ അലേര്ട്ടില്'
ഫ്ലൂ കേസുകള് സംബന്ധിച്ച് ഏറ്റവും പുതിയ കണക്കുകള് റിപ്പോര്ട്ട് ചെയ്തതോടെ ഈയാഴ്ച ആശുപത്രികള് 'ഹൈ അലേര്ട്ടില്' തുടരുകയാണ്. റസിഡന്റ് ഡോക്ടര്മാരുടെ പണിമുടക്കും, ഫ്ലൂ ഉള്പ്പെടെ വിന്റര് വൈറസുകള് വ്യാപിക്കുകയും ചെയ്യുന്ന സാഹചര്യത്തിലാണ് ഇത്.
കഴിഞ്ഞ ആഴ്ച അവസാനം ഫ്ലൂ കേസുകള് 3140 എന്ന സംഖ്യയിലാണ് എത്തിയത്. സാധാരണ ഈ സമയത്തേക്കാള് ഏറ്റവും ഉയര്ന്ന നിലയിലാണ് കണക്കുകള്. ഒരാഴ്ച മുന്പത്തേക്കാള് 18% കൂടുതലുമാണ് രോഗികളുടെ എണ്ണം.
കേസുകള് ഉയര്ന്ന് നില്ക്കുമ്പോഴും നേരിയ ആശ്വാസത്തിന് വകയുണ്ടെന്ന് എന്എച്ച്എസ് ഇംഗ്ലണ്ട് പറഞ്ഞു. 'ആശുപത്രികളിലെ ഫ്ലൂ കേസുകള് വര്ധിക്കുന്നതില് കുറവ് വന്നിട്ടുണ്ടെന്നത് സ്വാഗതാര്ഹമാണ്. നോര്ത്ത് വെസ്റ്റിലെ ആശുപത്രികളില് കഴിഞ്ഞ ആഴ്ച 4 ശതമാനം വരെ കേസുകള് താഴ്ന്നു', എന്എച്ച്എസ് ഇംഗ്ലണ്ട് പറയുന്നു.
ഉയര്ന്ന വാക്സിനേഷന് നിരക്കുകളും, പ്രായമായവരെയും,
More »
