ഇംഗ്ലണ്ടില്‍ ഒരു മാസത്തിനിടെ കൊവിഡ് കേസുകള്‍ ഇരട്ടിയായി; ആശുപത്രി അഡ്മിഷനുകളില്‍ അഞ്ചിരട്ടി വര്‍ധന
ഇംഗ്ലണ്ടില്‍ കൊവിഡ് ഇന്‍ഫെക്ഷനുകള്‍ വീണ്ടും കുതിച്ചുയരുന്നു. ഒരു മാസത്തിനിടെ കൊവിഡ് കേസുകള്‍ ഇരട്ടിയായതാണ് ആശങ്കയായി മാറുന്നത്. ഇതോടൊപ്പം ആശുപത്രിയില്‍ പ്രവേശിപ്പിക്കപ്പെടുന്ന കൊവിഡ് രോഗികളുടെ എണ്ണം അഞ്ചിരട്ടി വര്‍ദ്ധിച്ചതായും ഏറ്റവും പുതിയ കണക്കുകള്‍ പറയുന്നു.
ഒരു മാസത്തിനിടെ 4589 പേര്‍ക്കാണ് കൊവിഡ് സ്ഥിരീകരിച്ചത്. കഴിഞ്ഞ വര്‍ഷം ഒക്ടോബറിന് ശേഷമുള്ള ഉയര്‍ന്ന നിരക്കാണ് ഇത്. കേസുകള്‍ അസാധാരണമായ തോതില്‍ ഉയരുന്നത് അധികൃതരെയും ആശങ്കയിലാക്കുന്നുണ്ട്. കഴിഞ്ഞ വര്‍ഷം സൗത്ത് ഈസ്റ്റ് ഏഷ്യയില്‍ ഉത്ഭവിച്ച 'എക്‌സ്എഫ്ജി' വേരിയന്റാണ് നിലവില്‍ യുകെയില്‍ പടരുന്നത്.
സ്‌കൂള്‍ ഓട്ടം ടേം ആരംഭിക്കുമ്പോള്‍ കൊവിഡ് കേസുകള്‍ വര്‍ദ്ധിക്കുന്നത് സാധാരണമാണ്. എന്നാല്‍ 2025-ലെ കണക്കുകളെ അപേക്ഷിച്ച് ഈ വര്‍ഷം കേസുകളില്‍ മൂന്നിരട്ടി വര്‍ദ്ധനവാണുള്ളത്. വൈറസ് ബാധിച്ച് വളരെയധികം അസുഖബാധിതരായി മാറുന്നവരുടെ എന്‍എച്ച്എസ്
More »
ശമ്പളത്തിന്റെ ഇരട്ടി വേഗത്തില്‍ ബെനഫിറ്റ് ബില്ലുകള്‍ കുതിക്കുന്നു!
ബെനഫിറ്റ് ബില്‍ ബ്രിട്ടീഷ് ഖജനാവിന് വലിയ ബാധ്യതയാവുന്നു. അധ്വാനിച്ച് ജോലി ചെയ്യുന്നവരുടെ വരുമാനത്തിന്റെ 'ഇരട്ടി' വേഗതയില്‍ രാജ്യത്തിന്റെ ബെനഫിറ്റ് ബില്ലുകള്‍ കുതിച്ചുയരുന്നുവെന്ന ഞെട്ടിക്കുന്ന വിവരം ജനരോഷം ശക്തമാക്കുകയാണ്.
2023 നവംബര്‍ മുതല്‍ 2025 നവംബര്‍ വരെ ശരാശരി മണ്ഡലങ്ങളില്‍ ബെനഫിറ്റ് ചെലവുകള്‍ 25.8 ശതമാനമാണ് ഉയര്‍ന്നത്. ഇതേ കാലയളവില്‍ ജോലി ചെയ്യുന്നവരുടെ ശമ്പളം കേവലം 10.4 ശതമാനമാണ് ഉയര്‍ന്നതെന്ന് ടാക്‌സ്‌പെയേഴ്‌സ് അലയന്‍സ് കണ്ടെത്തി.
ഇംഗ്ലണ്ടിലും, വെയില്‍സിലുമുള്ള 526 മണ്ഡലങ്ങളില്‍ 502 ഇടത്തും ശമ്പളത്തേക്കാള്‍ വേഗത്തില്‍ ബെനഫിറ്റ് ചെലവ് കുതിച്ചുയര്‍ന്നതായാണ് കണ്ടെത്തല്‍. ലണ്ടനിലെ ചില ഭാഗങ്ങളിലാകട്ടെ ജോലിക്കാര്‍ക്ക് ശമ്പളം കുറഞ്ഞപ്പോള്‍ വെല്‍ഫെയര്‍ ബില്‍ റോക്കറ്റ് പോലെ കുതിക്കുന്ന കാഴ്ചയും ദൃശ്യമായി.
കേവലം 24 മണ്ഡലങ്ങളില്‍ മാത്രമാണ് ജോലി ചെയ്യുന്നതാണ് നല്ലതെന്ന് ബോധ്യപ്പെടുത്തുന്ന
More »
കുടുംബങ്ങളുടെ വൈദ്യുതി ബില്‍ കുറയ്ക്കാന്‍ 1 ബില്യണ്‍ പൗണ്ടിലധികം ചെലവഴിക്കുന്ന പദ്ധതിയുമായി ചാന്‍സലര്‍
കുതിച്ചുയരുന്ന വൈദ്യുതി ബില്ലില്‍ ആശങ്ക വര്‍ധിച്ചതോടെ, കുറഞ്ഞ വരുമാനമുള്ള കുടുംബങ്ങള്‍ക്ക് ആശ്വാസം നല്‍കാന്‍ ബജറ്റില്‍ 1 ബില്യണ്‍ പൗണ്ടിലധികം ചെലവഴിക്കുന്ന പദ്ധതിയുമായി ചാന്‍സലര്‍ ജോണ്‍ ഹീലി.
ചില ക്ഷേമപദ്ധതികളുടെ ആനുകൂല്യം ലഭിക്കുന്ന കുടുംബങ്ങള്‍ക്ക് നല്‍കുന്ന വാം ഹോംസ് ഡിസ്‌കൗണ്ട് വര്‍ധിപ്പിക്കാനാണ് പ്രധാനമായും തുക ഉപയോഗിക്കുക. നിലവില്‍ 150 പൗണ്ട് ലഭിക്കുന്ന ഈ ഇളവ് 100 പൗണ്ട് കൂടി വര്‍ധിപ്പിച്ച് 250 പൗണ്ടാക്കുന്ന നിര്‍ദേശമാണ് പരിഗണനയിലുള്ളത്. അധിക തുക നികുതിദായകരുടെ പണത്തില്‍ നിന്നാകും കണ്ടെത്തുക.
അതേസമയം, എല്ലാ ഉപഭോക്താക്കള്‍ക്കും വൈദ്യുതി ബില്‍ കുറയ്ക്കുന്നതിനായി ബില്ലുകളില്‍ ഉള്‍പ്പെടുത്തിയിരിക്കുന്ന വിവിധ ലെവികള്‍ പൂര്‍ണമായും ഒഴിവാക്കണമെന്ന ഊര്‍ജ സെക്രട്ടറി മിയാറ്റ ഫാന്‍ബുള്ളെയുടെ നിര്‍ദേശത്തോട് ഹീലി അനുകൂലിക്കുന്നില്ലെന്നാണ് റിപ്പോര്‍ട്ട്. ഈ നീക്കത്തിലൂടെ ഓരോ ഉപഭോക്താവിനും 120
More »
പുതിയ കോണ്ടാക്ട്‌ലെസ് പാസ്‌പോര്‍ട്ട് സ്‌കീം നടപ്പാക്കി ബ്രിട്ടന്‍; വിമാനത്താവളങ്ങളില്‍ പരിശോധനയ്ക്ക് മുഖം ഉപയോഗിക്കാം
യുകെയിലെ വിമാനത്താവളത്തിലെത്തുന്ന യാത്രക്കാര്‍ക്ക് രാജ്യത്ത് പ്രവേശിക്കാന്‍ പുതിയ കോണ്ടാക്ട്‌ലെസ് പാസ്‌പോര്‍ട്ട് സ്‌കീം നടപ്പിലാക്കുന്നു. ലെസ്റ്റര്‍ഷയറിലെ ഈസ്റ്റ് മിഡ്‌ലാന്‍ഡ്‌സ് എയര്‍പോര്‍ട്ടിലാണ് ഈ പദ്ധതി ആദ്യമായി നടപ്പാക്കിയിരിക്കുന്നത്. 2027 തുടക്കത്തില്‍ യുകെയിലെ എല്ലാ എയര്‍പോര്‍ട്ടുകളിലും ഇ ഗേറ്റ് സംവിധാനം നിലവില്‍ വരുമെന്ന് ഹോം ഓഫീസ് അറിയിച്ചു.
ഇ-ഗേറ്റിന് അരികിലേക്ക് എത്തുന്ന യാത്രക്കാരുടെ മുഖം ഫേഷ്യല്‍ ടെക്‌നോളജിക്കായി ഉപയോഗിക്കുന്നതാണ് സിസ്റ്റം. ഇവരുടെ ഫോട്ടോ എടുത്ത് സിസ്റ്റം ഇമിഗ്രേഷന്‍, ട്രാവല്‍, പാസ്‌പോര്‍ട്ട് വിവരങ്ങള്‍ എന്നിവ പരിശോധിക്കും. പരിശോധനകള്‍ പൂര്‍ത്തിയാക്കിയ ശേഷം ഗേറ്റ് ഓട്ടോമാറ്റിക്കായി തുറക്കും. ഇത് വരുന്നതോടെ ഇ-ഗേറ്റ് റീഡറില്‍ പാസ്‌പോര്‍ട്ട് വെയ്ക്കുന്ന രീതിയും ഒഴിവാകും.
കൂടുതല്‍ പരിശോധനകള്‍ ആവശ്യമായി വരുന്ന യാത്രക്കാരോട് പാസ്‌പോര്‍ട്ട്
More »
സ്‌കൂളുകളില്‍ കുട്ടികള്‍ക്കെതിരായ ലൈംഗികാതിക്രമങ്ങള്‍; സുരക്ഷ ശക്തമാക്കണമെന്ന് ആവശ്യം
ലണ്ടന്‍ : ഇംഗ്ലണ്ടിലെയും വെയില്‍സിലെയും സ്‌കൂളുകളിലും സമീപപ്രദേശങ്ങളിലും കുട്ടികള്‍ക്കെതിരായ ആയിരക്കണക്കിന് ലൈംഗികാതിക്രമ പരാതികള്‍ രേഖപ്പെടുത്തിയതായി പൊലീസ് കണക്കുകള്‍. 2021 മുതല്‍ 2025 വരെ പതിമൂന്ന് വയസ്സില്‍ താഴെയുള്ള കുട്ടികള്‍ക്കെതിരായ കുറഞ്ഞത് 8,500 ലൈംഗിക കുറ്റകൃത്യങ്ങളാണ് റിപ്പോര്‍ട്ട് ചെയ്തത്. പ്രതിദിന ശരാശരി അഞ്ചിനടുത്താണ്. കുട്ടികള്‍ മറ്റു കുട്ടികളെ ലൈംഗികാതിക്രമങ്ങള്‍ക്ക് ഇരയാക്കുന്നതും ഗൗരവമായ ആശങ്കയായി തുടരുന്നു. ഇരകളുടെ ലിംഗവിവരം രേഖപ്പെടുത്തിയ കേസുകളില്‍ പെണ്‍കുട്ടികളാണ് കൂടുതലായി അതിക്രമം നേരിട്ടത്. ലഭ്യമായ കണക്കുകള്‍ പൊലീസില്‍ റിപ്പോര്‍ട്ട് ചെയ്ത പരാതികളുടേതാണ്; എല്ലാം കോടതിയില്‍ കുറ്റം തെളിഞ്ഞ കേസുകളല്ല.
ഇംഗ്ലണ്ടിലെയും വെയില്‍സിലെയും 43 പൊലീസ് സേനകളില്‍ 33 എണ്ണം നല്‍കിയ വിവരങ്ങളാണ് വിശകലനത്തിന് ഉപയോഗിച്ചത്. ചില രേഖകളില്‍ സ്‌കൂളിന് സമീപം നടന്ന സംഭവങ്ങളും ഉള്‍പ്പെട്ടിട്ടുണ്ട്.
More »
ഫിക്‌സഡ് മോര്‍ട്ട്‌ഗേജ് റേറ്റ് മൂന്ന് വര്‍ഷത്തിനിടെ ആദ്യമായി 6 ശതമാനത്തില്‍; ബാങ്ക് ഓഫ് ഇംഗ്ലണ്ട് ബേസ് റേറ്റ് കൂട്ടുമെന്ന് വിലയിരുത്തല്‍
ബാങ്ക് ഓഫ് ഇംഗ്ലണ്ട് പലിശ നിരക്കുകള്‍ വര്‍ദ്ധിപ്പിക്കുമെന്ന വിലയിരുത്തലില്‍ ബ്രിട്ടനില്‍ മോര്‍ട്ട്‌ഗേജ് നിരക്കുകള്‍ കുതിയ്ക്കുന്നു. അഞ്ച് വര്‍ഷത്തെ ഫിക്‌സഡ് മോര്‍ട്ട്‌ഗേജ് നിരക്കുകള്‍ മൂന്ന് വര്‍ഷത്തിനിടെ ആദ്യമായി 6 ശതമാനത്തില്‍ എത്തി. ഇതോടെ വിപണിയില്‍ ലോണുകള്‍ നല്‍കുന്നത് ചെലവേറിയ കാര്യമായി മാറുകയാണ്.
മണിഫാക്‌സ് നല്‍കുന്ന റിപ്പോര്‍ട്ട് പ്രകാരം അഞ്ച് വര്‍ഷത്തെ ശരാശരി നിരക്ക് 6 ശതമാനത്തിലാണ്. 2023 സെപ്റ്റംബറിന് ശേഷമുള്ള ഏറ്റവും ഉയര്‍ന്ന നിരക്കാണ് ഇത്. രണ്ട് വര്‍ഷത്തെ ഫിക്‌സഡ് നിരക്കുകളും തൊട്ടുപിന്നാലെയുണ്ട്, 5.98%. ഇതാകട്ടെ 2023 ഡിസംബറിന് ശേഷമുള്ള ഉയര്‍ന്ന നിരക്കാണ്.
ബാങ്ക് ഓഫ് ഇംഗ്ലണ്ട് ബേസ് റേറ്റുകള്‍ വര്‍ദ്ധിപ്പിക്കുമെന്ന പ്രതീക്ഷയിലാണ് ബാങ്കുകളും, ബില്‍ഡിംഗ് സൊസൈറ്റികളും നിരക്കുകള്‍ വര്‍ദ്ധിപ്പിച്ച് തുടങ്ങിയത്. 5 ശതമാനത്തില്‍ താഴെ ലഭിക്കുന്ന ഫിക്‌സഡ് റേറ്റ് മോര്‍ട്ട്‌ഗേജുകളുടെ
More »
ചെറുബോട്ടുകളിലെത്തുന്ന ഭൂരിഭാഗം സ്ത്രീകളും ബലാത്സംഗത്തിന് ഇരയാകുന്നതായി ഹോം സെക്രട്ടറി
ഫ്രാന്‍സില്‍ നിന്നും ചെറുബോട്ടുകളില്‍ കയറി യുകെയിലേക്ക് എത്തുന്ന സ്ത്രീകളില്‍ ഭൂരിഭാഗം പേരും യാത്രയില്‍ ബലാത്സംഗത്തിന് ഇരകളാകുന്നുവെന്ന് ഹോം സെക്രട്ടറി ഷബാന മഹ്മൂദ്. യുകെയിലേക്കുള്ള ബോട്ടുകളില്‍ ആരെല്ലാം കയറണമെന്ന് നിശ്ചയിക്കുന്നത് മനുഷ്യക്കടത്തുകാരാണ്. അതുകൊണ്ട് തന്നെ അഭയാര്‍ത്ഥിത്വത്തിന് ബ്രിട്ടനിലേക്ക് വരാന്‍ കാത്തിരിക്കുന്നവരെ ഇവര്‍ ലൈംഗിക ചൂഷണത്തിന് ഇരയാക്കുകയാണെന്ന് ഹോം സെക്രട്ടറി മുന്നറിയിപ്പ് നല്‍കി.
'ആ അതിര്‍ത്തി നമ്മുടെ നിയന്ത്രണത്തിലല്ല. നോര്‍ത്ത് ഫ്രാന്‍സില്‍ നിന്നും ബ്രിട്ടനിലേക്ക് കടക്കാനായി ആളുകള്‍ കാത്തുനില്‍ക്കുന്നു. ഡിഞ്ചികള്‍ എത്തിക്കുന്നത് ക്രിമിനല്‍ സംഘങ്ങളാണ്. ബ്രിട്ടനിലേക്കുള്ള ഈ യാത്രയില്‍ ഭൂരിഭാഗം സ്ത്രീകളും ബലാത്സംഗത്തിന് ഇരയാകുന്നുണ്ടെന്നത് ഉറപ്പാണ്. ചില പുരുഷന്‍മാര്‍ക്കും ഈ പീഡനങ്ങള്‍ക്ക് ഇരയാകേണ്ടി വരുന്നു', ഹോം സെക്രട്ടറി വ്യക്തമാക്കി.
അതേസമയം
More »
ലണ്ടനിലെ ഇസ്രയേല്‍ എംബസിയില്‍ ആക്രമണത്തിന് ശ്രമിച്ച കുവൈത്ത് സ്വദേശിയ്ക്കു ജീവപര്യന്തം
ലണ്ടനിലെ ഇസ്രയേല്‍ എംബസിയില്‍ കത്തിയുമായി അതിക്രമിച്ച് കയറി ആക്രമണം നടത്താന്‍ ശ്രമിച്ച കുവൈത്ത് സ്വദേശിക്ക് ജീവപര്യന്തം തടവ് വിധിച്ചു യുകെ കോടതി. 34കാരനായ അബ്ദുല്ല സബാഹ് അല്‍ബദ്രിക്കാണ് ഓള്‍ഡ് ബെയ്ലി കോടതി ശിക്ഷ വിധിച്ചത്. കുറഞ്ഞത് 20 വര്‍ഷം ജയില്‍ ശിക്ഷ അനുഭവിക്കണം. 2025 ഏപ്രില്‍ 28ന് രണ്ട് കത്തികളുമായി ലണ്ടനിലെ കെന്‍സിങ്ടണിലുള്ള ഇസ്രയേല്‍ എംബസിയുടെ സുരക്ഷാ വേലി ചാടിക്കടക്കാന്‍ ശ്രമിക്കുന്നതിനിടെയാണ് ആയുധധാരികളായ പൊലീസ് ഇയാളെ പിടികൂടിയത്. ഇയാളില്‍നിന്ന് രണ്ട് കത്തികളും 'രക്തസാക്ഷിത്വ' കുറിപ്പും കണ്ടെത്തിയിരുന്നു.
ആക്രമണത്തിന് മുന്നോടിയായി എംബസിയുടെ സ്ഥാനം ഉള്‍പ്പെടെയുള്ള വിവരങ്ങള്‍ ഇയാള്‍ ഓണ്‍ലൈനില്‍ തിരഞ്ഞിരുന്നതായും ആത്മഹത്യയും 'രക്തസാക്ഷിത്വവുമായി' ബന്ധപ്പെട്ട അറബി വാക്കുകള്‍ പരിശോധിച്ചതായും അന്വേഷണത്തില്‍ കണ്ടെത്തി. എംബസിയില്‍ കയറി ആളുകളെ കുത്തിക്കൊല്ലാനായിരുന്നു പദ്ധതിയെന്നാണ്
More »
ലണ്ടനില്‍ നിന്നും ഷിക്കാഗോയിലേക്ക് പറന്ന ബ്രിട്ടീഷ് എയര്‍വേസ് വിമാനം 28,000 അടി താഴേക്ക് പതിച്ചു; അടിയന്തര ലാന്‍ഡിംഗ്
ഇസ്രയേലിലെ ടെല്‍ അവീവിലേക്ക് പറന്ന വിമാനത്തിലെ ക്യാപ്റ്റനെ അക്രമിച്ച് കൊലപ്പെടുത്താന്‍ ശ്രമിച്ച് വിമാനം റാഞ്ചാന്‍ ശ്രമിച്ച സംഭവങ്ങളുടെ ഞെട്ടല്‍ മാറുന്നതിന് മുന്‍പ് വീണ്ടും ആകാശത്ത് ആശങ്ക. ലണ്ടനില്‍ നിന്നും ഷിക്കാഗോയിലേക്ക് പറന്ന ബ്രിട്ടീഷ് എയര്‍വേസ് വിമാനമാണ് പൊടുന്നനെ 28,000 അടി താഴേക്ക് പതിച്ചത്. ഫ്‌ളൈദുബായ് വിമാനത്തിലെ അവസ്ഥയില്‍ നിന്നും വ്യത്യസ്തമായി സാങ്കേതികതകരാറാണ് ഈ അപകടാവസ്ഥയിലേക്ക് നയിച്ചത്.
ഷിക്കാഗോയിലെ ഒ'ഹാരെ വിമാനത്താവളത്തിലേക്ക് പോയ ബ്രിട്ടീഷ് എയര്‍വേസ് വിമാനത്തിന് സാങ്കേതികപ്രശ്‌നം നേരിട്ടതോടെയാണ് എമര്‍ജന്‍സി പ്രഖ്യാപിച്ചത്. വിമാനത്തിലെ ഓക്‌സിജന്‍ മാസ്‌കുകള്‍ താഴേക്ക് ചാടിയതോടെ യാത്രക്കാര്‍ ആശങ്കയിലായെങ്കിലും തിരിച്ചുവിട്ട വിമാനം ലണ്ടന്‍ ഹീത്രൂവില്‍ സുരക്ഷിതമായി ഇറങ്ങി.
യാത്ര ഒരു മണിക്കൂര്‍ പിന്നിട്ട ശേഷമാണ് വിമാനത്തിന് ആള്‍ട്ടിറ്റിയൂഡ് നഷ്ടമായത്. ഇതോടെ വിമാനം
More »
