യുവതിയുവാക്കള് തങ്ങളുടെ ജീവിതവിളിയും ദൗത്യവും തിരഞ്ഞെടുക്കുന്നതിനുള്ള ദൈവികജ്ഞാmത്തിന്റെ വരമഴ പൊഴിയിച്ചുകൊണ്ട് ഗ്രേറ്റ്ബ്രിട്ടന് സീറോമലബാര് രൂപതയില് ദൈവവിളി പ്രാര്ത്ഥനാചരണം ആഗസ്റ്റ് 1 മുതല് 8 വരെ നടന്നു.
ഞാന് എന്തു തിരഞ്ഞെടുക്കണം? പൗരോഹിത്യവും, സന്ന്യാസവും, ദാമ്പത്യജീവിതവും ശ്രേഷ്ഠമായ ദൈവവിളികളാണ്. യുവാക്കള്ക്ക് തങ്ങളുടെ ജീവിതാന്തസ്സ് തിരഞ്ഞെടുക്കുവാനുള്ള മാര്ഗ്ഗനി ര്ദ്ദേശങ്ങളുമായി യുവവൈദികന് ഫാ. കെവിന് മുണ്ടക്കല് നടത്തുന്ന പ്രഭാഷണം 'കോള്'
ആഗസ്റ്റ് 16 ന് ഓണ്ലൈനില് (ZOOM) നടത്തപ്പെടും.
അമേരിക്കയിലെ ചിക്കാഗോ രൂപതയില് ജനിച്ചു വളര്ന്ന് അമേരിക്കയിലും, റോമിലും കേരളത്തിലുമായി വൈദികപഠനം പൂര്ത്തിയാക്കി എല്ലാവര്ക്കും പ്രചോദനമായ പൗരോഹിത്യജീവിതം നയിക്കുന്ന ഫാ. കെവിന് നയിക്കുന്ന ഈ പ്രഭാഷണം യുവാക്കള്ക്ക് ഉചിതമായ ജീവിതാന്തസ്സ് തിരഞ്ഞെടുക്കുന്നതിനും അവരുടെ സംശയങ്ങള്ക്ക് ഉത്തരം നല്കുന്നതിനും ഉതകുന്ന രീതിയിലാണ് ക്രമീകരിച്ചിരിക്കുന്നത്. ഗ്രേറ്റ് ബ്രിട്ടണ് സീറോ മലബാര് രൂപതയുടെ വൊക്കേഷന് കമ്മീഷന് വിഭാഗമാണ് ഈ പ്രോഗ്രാം ക്രമീകരിച്ചിരിക്കുന്നത്.
യുവാക്കള്ക്ക് അവരുടെ ദൈവവിളി മനസിലാക്കുന്നതിനും ജീവിതാന്തസ് തെരഞ്ഞെടുക്കുന്നതിനുമുള്ള അസുലഭ അവസരമായി ഈ പ്രഭാഷണത്തെ ഉപയോഗപ്പെടുത്തണമെന്ന് രുപതാ വൊക്കേഷന് കമ്മീഷന് അറിയിച്ചു.
